Shillong, Iaiong 24: Ka Awakening India Movement, Meghalaya Steering Committee kala dawa na u Deputy Commissioner ka East Khasi Hills ba ym dei ban shah pynlong ia kino kino ki jingialehkai khalai ha ki Mela kiba long ha ka nongbah Shillong.
Kane ka kynhun kala aiti da ka dorkhas ha u Deputy Commission bad shen kan sa leit aiti ruh ia ka dorkhas sha u Myntri ka Tnad Taxation u AT Mondal bad u Myntri Rangbah ka Jylla Conrad K Sangma ba kin shimkhia ia kane ka kam.
Haba iakren bad ki nongpathai khubor, u Nongialam ka AIM-MSC u Bah Banshai Marbaniang ula ong, ba dang shen kawei ka kynhun kaba nabar ka jylla kala pynlong iaka Mela haka Parking Lot, Polo hynrei kaba lyngngoh ba ha katei ka Mela kaba dei ban don iaki jingialehkai ki ban pynsngewtynnad bad pynbyrngia ia ki khynnah bad samla, hynrei kala bun sa tang da ki kam khalai.
Pule lang ia kane: Phah jingthoh ki pulit Assam sha u Srinivas BV ban wan mih ha ka 2 tarik Jymmang
U Bah Marbaniang ula ong, ka jingioh lad ban pynlong ia ki kam khalai haka Mela ka ktah jur ia ki khynnah namar kin leit ban iathong ha ki kam iakhalai da ka jingmut ban ioh pisa kham bun bad ula ong, lada ki khynnah ne ki samla ki ngop ha kitei ki kam khalai kan pynlong ruh ia ki ban tuh ban thiem.
Ka AIM kala dawa na u DC ba nangne shakhamt ym dei shuh ban shah ia kino kino kiba pynlong ia ka Mela ban pynleh ia kino kino ki kam khalai, namar kiba bun ki khynnah bad ki samla kiba leit sha ka Mela ki leit da ka jingthmu ban ialehkai ia ki jingialehkai kiba ban pynsngewtynnad bad pynmyllen ia ki ym ban pynngop noh ia ki ha ki kam khalai.
U Bah Marbaniang ula pynapw iaka jingsngewtynnad baka sorkar MDA-I ha u snem ba la dep kala pynduh noh iaka jingthmu ban plie iaka kam khalai ne Casino ha ka jylla hynrei kaba lyngngoh pat ba ha ki Mela la ioh ban pynlong iaka jingialehkai khalai.
Pule lang ia kane: Yn ioh 4G network ki 336 tylli ki shnong thain khappud ka Arunachal Pradesh
