Shillong, Lber 05: Ka All Achik Youth Federation (AAYF) ka la kyntu ia ki Pulit ka West Garo Hills ban register da ka Suo motu case pyrshah ia u MDC barim ka Baitbari u Sofior Rahman, da kaba kynnoh ba ka jingkren jong u Sofior lyngba ka video ha facebook, ka ibein ia ka hok long riewlum ki Garo bad kynthoh pyrshah ia ka dustur ai jait kmie.
Ha ka kyrwoh, u vice president ka AAYF u Rikkam P Marak u la kynnoh ba u Sofior Rahman u la iai bteng ban tuklar bad pynkhein ia ki hok jong ki riewlum bad ka Federation ka dawa ba dei ban set phatok ïa u hapoh ki kyndon Bharatiya Nyaya Sanhita, 2023, bad ka SC/ST (Prevention of Atrocities,19 Act) A9.
“Ngi kyntu ia ki bor ka ain West Garo Hills ban Register ia ka daka Suo Motu pyrshah ia u hapoh ki kyndon ain” u la ong.
Haka shithi ka federation ka kdew 8 tylli ki kyndon, ba kynthup ia ki kyndon 46, 122(2), 192, 196(1)(a), 352 bad 353 jong ka BNS, bad ki kyndon jong ka kyndon 3(1) jong ka ain SC/ST, bad ka la kynnoh baka jingkren u MDC barim ka buh jingma ia ka shongsuk shongsain bad ia ka burom trai ri trai muluk.
Ka AAYF ka la pynmih ruh ïa ka jingïakren halor ka jingsumar khun, da kaba kynnoh ba ka jingshim jong u Rahman ïa ka khun kynthei ka long pyrshah ïa ka aiñ riti dustur jong ki Garo, ha kaba ka kmie ka bat ïa ka jingsumar khun.
Ka jingkren ka thew ïa ka histori jong ka longïing jong u Sofior Rahman, ki kmie ki kpa tymmen jong u, ki wan na Dhubri, Assam, sha Baitbari ha u snem 1965, hadien ka jingshlei um bad ka ïathuh pat ïa kawei ka jingjia ha u snem 2009 ha kaba la kynnoh ba ki nong Garo kiba na katei ka jaka ki la pynjulor ïa ka kali jong u.
“Ki kmie ki kpa jong u Sofior Rahman ki la wan buhai shnong sha Baitbari, West Garo Hills, Meghalaya na ka Elaka Dhubri jong ka Assam, ryngkat bad ki 100 tylli kiwei pat ki longïing, ha u bnai Risaw 1965 namar ka jingshlei um ha ka Elaka Dhubri jong ka Assam, bad ki don ki nongialam bamsap kiba pynioh ia ki kot ki sla tang ban pyndonkam ia ki kum ka Vote Bank”.
 ka la kyntu ia ki Pulit ka West Garo Hills ban register da ka Suo motu case pyrshah ia u MDC barim ka Baitbari u Sofior Rahman, da kaba kynnoh ba ka jingkren jong u Sofior lyngba ka video ha facebook, ka ibein ia ka hok long riewlum ki Garo bad kynthoh pyrshah ia ka dustur ai jait kmie.){kind=link}