Shillong, Risaw 28: U Myntri ka Koit ka Khiah Bah Wailadmiki Shylla ula iathuh ba ka Sorkar ka dang wad ia ki lad ki lynti ban pynbeit ia ki jingeh kiba don sawdong ka 108 emergency service, kaba pyniaid mynta da ka National Health Mission (NHM).
Haba kren sha ki nongthoh khubor ha ka sngi Ba-ar, u Myntri ula ong ba ka Sorkar kala pyrshang ban wad ia ki lad ki lynti ban shimti ia ka jingshakri, hynrei kala mad ia ki jingeh, kynthup ka jingktah kaba jur ia ka pisa pilain.
“Ngin sa iakynduh shen. Ka Sorkar ka la pyrshang ban wad ia ki lad ki lynti ban shimti ia ki. Ha ka sien ba khatduh, ngi la khot ia ka tender hynrei ym don ba biang ban shimti. Ngi dang wad ia ka lynti” ula ong.
Haba kylli halor ka jingshimti hi noh ia ka emergency service, u Bah Shylla ula ong ba ka Sorkar ka kwah eh, hynrei ki don bun ki jingeh, kynthup ki jingktah ia ka pla tyngka.
“Ka Sorkar ka kwah eh ban shimti hynrei ngi hap ruh ban sngewthuh ba ki don bun ki jingeh. Kam dei kaba suk namar ka jingktah ia ka pisa pilain ka long kaba bun bha. Ta ka daw ngi hap ban wad ia ki lad ki lynti kat kiba don”ula bynrap.
La ka Sorkar kan khot tender biang ban aiti pyniaid ia ka emergency serice, u Bah Shylla ula ong “Ia mynta ngam lah ban kynthoh eiei halor kane namar ngi dang dei ban iakynduh. Shen ngin sa don ka jingialang bad hangne ngin sa shim ia ka rai halor kane ka kam”.
.){kind=link}