Shillong, Iaiong 14 : U Chief Secretary ka Jylla bah DP Wahlang hynne ka sngi Thohdieng, ula pyntip ba ka Sorkar ka don jingthmu ban wad ia kawei pat ka jaka na ka bynta ban pynlong jaka theh niut jong ka Nongbah Shillong, ka ban don kham jngai na Shillong.
Haba iakren bad ki nongthoh khubor, u Bah Wahlang ula ong ba ka sorkar ka dang pyndonkam ia ka marten mynta bad ka jingtylliat sboh ia ki niut bad ka recycling ka dang iaid shaid shaid hangtei.
“Dei kane ka daw ba ngi dang pyndonkam ia ka haduh mynta lem kumta, ngam tharai ba kan dang long ban pyndonkam kum ka jaka theh niut hynrei nalor kata, ka don ha ka jingthmu jong ka Sorkar ba ngin peit ia kiwei pat ki jaka bad kane ka kam ka dang iaid shakhmat” ula ong.
Haba kylli kumno ka Sorkar kan leh halor ka jingeh ba iadei bad ka jingbym kloi ki paidbah ban ai jaka ha kaban pynlong jaka theh niut, u Bah Wahlang ula ong, ki don ki kam ha ka landfill management bala khot ka ‘NIMBY (Not in My Backyard) factor’ kata “Ym ha kyrpong iing jong nga”. Phi tip ngi lah ban buh ia ka jaka theh niut hynrei “ym ha kyrpong iing jong nga”-kane ngi ong ka NIMBY factor kaba ngi tip hynrei ngi hap ban pynshlur ia kim ngi hap lehse ban leit sha ki jaka ba kham jngai na ka sor, kane ka longkaba donkam hynrei ngi hap ban pyrshang bad ka dei ka kam kaba dang iaid.
Pule lang ia kane: Mizoram :Ha ka rta 77 snem, pynrung kyrteng u tymmen ia lade ban pule ha ka klas 9
