Shillong, Nohprah 17: U Symbud Myntri Rangbah ka Jylla Bah Prestone Tynsong u la ong ba ka Sorkar ka dang ap ia ka kaiphod jingtohkit jong ki pulit halor ka jingshah thombor ka kali jong ka Myntri ka Koit ka Khiah Kong Ampareen Lyngdoh.
Haba kren sha ki lad pathai khubor, u Bah Prestone u la ong ba ka Sorkar kam tip satia na kaei ka daw, ki runnar kila thombor iaka kali jong ka Mynri Sorkar.
“Ha ka jingshisha, ka Kong Ampareen Lyngdoh ka la dep ban ujor daka ejahar bad mynta ki pulit ki dang tohkit halor kane ka kam” la ong u Bah Prestone.
Haba kylli, u Bah Prestone u la ong, “Ngi shisha ngim tip ia ka daw jong ka jingshah thombor ka kali. Kumta ngin ap, ngin sa peit hynrei hooid ka jingtohkit jong ki pulit ka dang ïaid shakhmat”.
