Shillong, Lber 04: U Myntri Rangbah Conrad K Sangma ha ka sngi Ba-ar ula pyntip ba ki Agency ki dang pynkhreh ia ka Detailed Project Report (DPR) ban iada ia ki rud wah naka shnong Patakata sha Bhaitbari ha sor Phulbari, na ka jingshah khlong ha ka wah Brahmaputra bad Jingjiram ha West Garo Hills District.
Haba jubab ha Iingdorbar, u Conrad ula ong ba ka tnad PWD (Roads) na ka por sha ka por ka hap ban maramot ia ki bynta jong ki jaka ba shah khlong ha ki wah kynthup ka wah Rongai, Jinjiram bad ruh ka wah Brahmaputra ha ka por lyiur.
Ula pyntip ba um lah satia ban batai ia ka por bala buh namar ia ka DPR la pynkhreh da ki agency bapher bapher. Ula kular ruh ban tynruh noh ha kaban pyntrei sted noh ia ka kam.
Ula pyntip ruh ba ka Srkar kala pynlong dang shen ia ka jingkhein jingdiah halor ka jingshah ktah ka kamai kajih bad ka ioh ka kot ia ki nongshongshnong namar ki jingjia shlei um ba jia man ka por.
U Myntri Rangbah ula iathuh ba ki don ki prokram bala buh kyrpang ban tei thymmai bad trei bha ia ki jingtei kum ki surok, ki jingkieng kiba la shah pynjulor ha ka jingshlei um.
 ban iada ia ki rud wah naka shnong Patakata sha Bhaitbari ha sor Phulbari, na ka jingshah khlong ha ka wah Brahmaputra bad Jingjiram ha West Garo Hills District.){kind=link}