Shillong, Lber 17: Ki bor District East Khasi Hills ka la pyntip ba ka jingpynpoi tyngdong lyer shet (LPG Cylinder) sha ki longïing ka dang long kaba biang bad pahuh haba kyntu ïa ki longïing ba kim dei ban tieng/phah buh lypa lane lum ïa ki Cylinder namar lah dep ban pynbeit ia ka jingwan pynpoi ia ka mar.
Ha ka kyrwoh ba la pynmih, ka Deputy Commissioner (Supply) ka la ong ba ki kompeni die umphniang bad cylinder bad ki nongsam, kila pynthikna ba ka jingsam gas cylinder bad umphniang ka dang iaid beit khlem jingthut.
“Ka jingdon ka stock mynta ka long kaba biang bad ba pahuh ban pyndap ïa ki jingdonkam ki nongthied nongpet ha kylleng ka district” ong ka jingpynbna, haba kdew ba ki jingeh ha ka leit ka wan ka la pynslem bad ka don ka jingsahkut na ka 1.2 sha ka 1.4 sngi.
“La kyntu ïa ki paidbah ba kim dei ban tieng ne thied lypa iaki Cylinder khlem da donkam, namar kum kine ki rukom leh ki lah ban pynmih ïa ka jingduna bad wanrah jingeh ïa kiwei pat ki nongpyndonkam,” ka la bynrap.
La bthah ïa ki nongshong shnong ban Book katkum ka jingdonkam ba man ka sngi lyngba ki lad ba man ka por bad ban lah ban kylla ak rukom Book bad ki Agency lada ka rukom book online kam urlong.
K bor district ka la pynshlur ïa ki nongthied ban pyndep ïa ki jingpynshisha e‐KYC na ka bynta ka jingiaid beit iaid ryntih ka rukom pynpoi cylinder bad ong ba ki bor District ki buddien bha ïa ka jingpynbiang ban pynthikna ïa ka jingsam cylinder.
Ia ki jingeh ki paidbah ki lah ban pyntip sha ki nongsam lane sha Deputy Commissioner (Supply).
 sha ki longïing ka dang long kaba biang bad pahuh haba kyntu ïa ki longïing ba kim dei ban tieng/phah buh lypa lane lum ïa ki Cylinder namar lah dep ban pynbeit ia ka jingwan pynpoi ia ka mar.){kind=link}