Shillong, Nailur 29 : U President ka National People’s Party (NPP) ka Meghalaya bad Symbud Myntri Rangbah ka Jylla Bah Prestone Tynsong ha ka sngi Ba-ar ula ban jur ba ka NPP kaba don ha ka bor synshar ka dang iatylli mlon bad kam iohi jingma satia na ka jingpyrshang pynheh seng ka BJP.
Haba jubab ia ka jingkylli halor ka jingma ba buh ka BJP ia ka NPP, u Bah Prestone ula ong “Em, Ngam iohi satia ia kano kano ka jingma”.
Haba kylli la kin don kino kino ki MLA kiba don jingthmu ban iasoh sha ka NPP, ula ong “Ia mynta hi, em.”
Haba ban biang ia ka jingiatylli ka party, ula ong “Kum u President ka Party, Nga kwah ban iathuh ha phi ia kawei, ka long 101 percent, 33 ngut ki MLA ka NPP ki dang iadonlang. Ngim don satia ia kano kano ka jingsngewthuh bakla bad ym don ruh mano mano ba thmu ban mih na ka NPP”.
La ka don ne em ka jngdawa ai kham bun ka shuki Myntri na ka BJP, u Bah Prestone ula ong “Kam don kum kane ka jingbuh kyndon”.
