Shillong, July 2: U Symbud Myntri Rangbah ka jylla uba long ruh u Chairman jongka Regional Committee ka West Jaintia Hills u Bah Sniawbhalang Dhar hynne ka sngi Balang ula ong ba ka sorkar kala treikam bha ha kaban iakren bad ka sorkar Assam ban pynbeit ia ki mat kaba la mih na ka jingjia kaba dang shen ha ka shnong Lapangap.
“(Namar kane) dei na kata ka daw ka jinglong jingman kala sdang long jai jai ia mynta. Ngi dang bteng ia ka jingiakren ha ka kyrdan jong baroh arngut ki Myntri Rangbah ka jylla ban pynbeit ia katei ka kam” ong u Bah Sniawbhalang Dhar haba iakren bad ki nongthoh khubor.
Ula pynpaw ruh ba kila shimkhia ha kiba bun ki bynta ban shimkhia ia ka jingiakynad kaba la mih dang shen.
Haba kylli la ka shnong Lapangap ka hap hapoh u pud jong ka jingiakajia jaka, u Bah Sniawbhalang ula ong ba mynshwa kam don satia hapdeng kano kano ka jingiakajia pud.
