spot_img

Dang iakren ka DGP bad ka MHA ban pyndait ia ki kor talasi droks ia ki kali ha man ki Entry Point

Date:

Share post:

Shillong, Iaiong 10 : U Myntri ka Tnad Social Welfare Bah Paul Lyngdoh ha ka sngi Palei ula pyntip ba ka Director General of Police (DGP) ka Jylla kala nang iai buddien ban iakrren bad ka Ministry of Home Affairs (MHA) na ka bynta ban pyndait ia ki kor talasi droks ia ki kali (vehicle scanning machine) ha man ki jaka rung (entry point) sha Jylla.

Ula ong ba ia kine ki kor la thmu ban pyndait ha Ri-Bhoi District bad ha East Jaintia Hills District, ban khanglad ia ka jingwan rung u droks shapoh ka Jylla.

“Ha ka jingshisha, ka dei ka jingtyrwa kaba wan na ka Home Ministry. Kila pynsngew ia ki jingsngewkhia ba ka thain Shatei Lam Mihngi kala nang longkum ka thymmei u droks bad halor ki jingtip b aka lum, kala tyrwa ia kine ki kor talasi (scanner machine) sha ngi. Kumta, ka DGP ka dang buddien ia ka kam bad ka MHA. Namar kata, kan shim katto katne por hynrei ka kam kala iaid shakhmat” ong u Bah Paul haba iakren bad ki nongthoh khubor hadien ka jingialang jong ka DREAM.

Ha kajuh ka por, u Myntri ula pyntip ba ka Sorkar kala dep thied haduh 9 tylli ki ksew bala dep hikai pyntbit, ki ban long shiynta jong ka dog squad ban iarap ia ki Anti-Narcotics Task Force (ANTF) ha kaban iohkem ia u droks ba wan rung sha Meghalaya.

“Ia kine ki ksew la phah ban leit shah hikai pyntbit ha ki riewshemphang bad shisien ba kila pyndep, kin sa leit iasoh bad ki kynhun ANTF ba kin iarap ban ioh bat ia u droks ba rung sha Meghalaya” ula ong.

Haba kylli, u Bah Paul ula ong ba ki jinghikai pyntbit kin sa kut noh ha kine ki khyndiat bnai ban wan bad yn sa pyndonkam ia kine ki ksew ha ki jaka ba jyllei eh u droks (drugs hotspot) kumba la buh thup ha ka DREAM Mission Statement.

“(Kat kum ka statement) ngi la dep pynithuh ia ki district bad ki shnong kiba jyllei eh u droks bad ia kane ka jingtip la dep buh ruh ha ka rynsan u paidbah” ula bynrap.

Share post:

spot_img
spot_img

Popular

More like this
Related

Jingjah ki nong Indore | Pynthikna u CM ban wad haban da shem ia ki briew ba donkti ban pyniap

Shillong, Jylliew 04 : U Myntri Rangbah ka Jylla...

Mynjur ka Sorkar ban thied haduh 6 acre ka jaka ban pynheh ia ka Shillong Airport

Shillong Jylliew 04: Ka kynhun myntri hynne ka sngi...

Rai ka Sorkar ban thaw ia ka State Seed Certificate Agency

Shillong Jylliew 04: Ka Sorkar Jylla kala shim ia...

Angnud ka Sorkar ban pynbna ia ki “Jingkieng Diengjri” kum ki “World Heritage Site”

Shillong, Jylliew 04 : Ka Sorkar Jylla kala rai...