spot_img

Dang bishar ka Advisory Board ia 7 tylli ki case hapoh ka PIT-NDPS Act

Date:

Share post:

Shillong, Risaw 04 : U Myntri ka Tnad Social Welfare Bah Paul Lyngdoh ha ka sngi Thohdieng, ula pyntip ba ki don haduh 7 tylli ki case kiba dang shong bishar da ka Advisory Board ban set along ia ki nongkhaii droks hapoh ka Prevention of Illicit Traffic in Narcotics Drugs and Psychotropic Substance (PITNDPS) Act, 1988.

“Ki don 7 tylli ki case ba dang shong bishar mynta. Ngi kwah ban pynthikna ba ka jingtreikam kan iaid ha kata ka rukom ba ngi da pynkhreh bha ialade khnang ban nym don kawei ruh na kine ki case kan tlot namar ka jingbym biang ki sakhi bad kiwei kiwei” ong u Bah Paul.

Haba kren halor ka jingkem ia ka snar khaii droks bala 50 snem ka rta, ka Aisa Khatoon na Lower Paltan Bazaar, u Bah Paul ua ong “Ka jingjop ban ioh kem ia kane ka briew, kaba la khaii droks la bun bun snem bad kala donkti ha ki 4 tylli ki case, ka dei namar ka jingpyrshang borbah jong kane ka Sorkar bad mynta kane ka briew ka dang don hapoh ka kti ka Ain bad ngin pynthikna ba kan shah pynngat ha ki kyndon pynsajia kat kum ka PIT-NDPS”.

Nalor kane, u Myntri ula ong ba ka Shillong kan sa sakhi shen ia ka jingnang iai mih ki Village Defence Party (VDP), ban iakhun pyrshah ia ka jingjyllei u droks ha ka imlang sahlang.

“Ha ka jingshisha hadien ka jingialang ba dang shen, ki Dorbar Shnong ka West Shillong kila aiti ia ki jingai jingmut sha ngi, ngi la pynrung ia kine ki jingai jingmut bad phin sa iohi ba haba kut jong une u snem, yn sa nang mih ki VDP hapoh ka sor Shillong” ula bynrap.

Share post:

spot_img
spot_img

Popular

More like this
Related

Assam CM hits back at Jamiat Ulama-i-Hind chief

Guwahati, Aug 23: Assam Chief Minister Himanta Biswa Sarma...

Ai khusnam ka NPYF ia ki samla pule, Kitbok ka NPP ia ki samla ban kiew shaphrang

SHILLONG, Nailar 23: Ka National People Youth Front (NPYF)...

Iashimbynta ki samla pule ban kiar na u droks bad ban pynneh ia ka khuid ka suba

Tura, Nailar 23: Ki samla pule jongka Ampati Degree...

Shillong Premier League | Pynliem ka Shillong Lajong da 5-0 kol ia ka Malki

Shillong, Nailar 22: Ka Shillong Lajong FC kaba dang...