Shillong, Nailur 01 : U President ka National People’s Party (NPP), Meghalaya Dr WR Kharlukhi ha ka sngi Thohdieng, ula pyntip ba ka party kan sei ia ki kyrtong ban iakhun ia ka elekshon MP-Lok Sabha hynrei kan dang ban shim rai mano ban dei ki kyrtong.
Haba kylli la ka dei ba u Nongialam ka BJP Bah HM Shangpliang un wan iasoh noh sha ka NPP ban iakhun ia ka elekshon Lok Sabha, u Dr Kharlukhi ula ong ba haduh mynta hi kam pat don satia kano kano ka jingpynthikna hynrei u dang shu iohi tang ha ki lad pathai khubor.
Kumba sakhi na ka elekshon MLA ba dang shu dep, ka NPP kam shym lah ban jop na bun tylli ki constituency ha Ri-lum Khasi bad Jaintia ym kum ka Ri-lum Garo.
Haba kylli halor kane, u Dr Kharlukhi ula ong ba ka NPP ka ioh bun eh ha ka bhah jong ki vote ha ka elekshon ba dang shu dep.
“Lada phi peit ia ka jingioh vote ka NPP, ngi dei kiba iohbun eh ha katei ka elekshon ban ia kiwei ki party…lada ngi iaid na kane ka jingioh vote, khlem pep ngin ioh ia ka jingjop ha ri-lum Khasi Jaintia” ula ong.
Pule lang ia kane: Kurup ki BSF ia ki saree bad shini na ka bos Balat
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
