Shillong, Nailur 09 : U Myntri ka Tnad Civil Defence & Home Guards Bah Comingone Ymbon ha ka sngi Ba-ar, ula pyntip ha Iingdorbar Thaw Ain ba ka kaiphod post mortem ba khatduh halor ka jingiap u Home Guard ha Assam, ka pat dep satia haduh mynta.
U Home Guard (L) Ribokson Dkhar Sawian, ula iap ha ka jingleit hikai pyntbit ha ka National Disaster Response Force (NDRF) Training Institute ha Guwahati, Assam.
Kane ka jingjia kala jia ha ka 9 tarik Iaiong, 2025 katba u Ribokson ula leit iashimbynta ha ka Basic Disaster Management Course.
Haba jubab ia ka call attention notice bala wanrah da u MLA ka VPP na Mawryngkneng ha Iingdorbar, u Bah Comingone ula ong “Ha ka 11.08.2025, ki bahaiing kila kyrpad ia ka Ophis jong ka District Training Centre Home Guards, East Khasi Hills ba kin iakren ia kane ka kam bad ka North Guwahati Police ba kin ai ia ka clearance certificate bad ban aiti ia kane ha AIIMS Guwahati ba kin ioh ia ka post mortem ba khatduh.
Halor kane, ka Ophis kalathoh sha u Officer in-charge ka North Guwahati Outpost ha ka 22.08.2025 ban ai ia ka clearance certificate khnang ban ioh aiti sha ka AIIMS hospital, Guwahati bad ia ka kaiphod post mortem ba khatduh lah ban leit shimti da ki bahaiing”.
“Hynrei, la pyntip sha ka DTCHG, East Khasi Hills ba ia ka kaiphod ba khatduh jong ka post mortem kam pat dep satia haduh mynta” ula bynrap.
U Myntri ula pyntip ba ka Ophis jong ka DTCHG, EKH kala iarao ia ki bahaiing une u Home Guard ba kin ioh ia ka death certificate bad kumjuh ruh ia ka kaiphod post mortem ba dang shu pynkhreh malu mala. Ha ka 18.06.2025 la aiti ia ka death certificate bad ia ka kaiphod post mortem sha ki bahaiing u (L) Ribokson Dkhar Sawian.
A team from the District Training Centre Home Guards, East Khasi Hills, visited the Changsari Police Station and later identified Sawian’s body at GNRC Hospital. After the post-mortem, the body was handed over to the family and transported to their residence in Mawryngkneng.
