Shillong, K’lyngkot 20 : Da ka spah ngut ki Nongshongshnong ka East Khasi Hills, kila iashimbynta ha ka Meghalaya Day Run kaba long hynne ka sngi ha Nongbah Shillong.
Ia ka Meghalaya Day Run la pynlong da ki bor pyniaid ka East Khasi Hills ha ryngkat ka jingiatreilang bad ka Ophis u Superintendent of Police kum shibynta na ka jingrakhe ia ka Meghalay Day, 2024.
Ka marathon kala sakhi ia ka jingiashimbynta da ki spah ngut ki nongshongshnong ba kynthup ia ki Pulit, ki NCC, ki samla ba iakhun kam shipor bad kiwei kiwei.
Ka Deputy Commission Kong RM Kurbah, kala khaweh ia ka lama jong kane marathon bad kala iashimbynta ruh nalor u Superintendent of Police Bah S Nongtnger bad u SP (City) Bah Vivek Syiem bad kiwei kiwei.
Ha kane ka sngi, ka Deputy Commission kala pyntian smai ruh ia baroh ki nongiashimbynta.
