Nongpoh Kyllalyngkot 22: Da ki hajar ngut ki paidbah ka Ri Bhoi kila iamih ban pdiang burom ia u Nongialam ka CongressRahul Gandhi uba la ialam ia ka Bharat Jodo Nyay Yatra haba wan poi hynne ka sngi Nyngkong ha Nongpoh Ri Bhoi District.
Ki nongialam ka seng Congress kila pdiang ia u Rahul Gandhi naduh na Jorabat bad nangne kila ia synran ia u Rahul Gandhi uba la shong da ka Bos haduh ban da poi ha DTO Ophis, Nongpoh.
Katba ka bos kaba shong u Rahul kala iaid ha surokbah, ki paidbah kila ap lypa harud surok ban iohi bad ban kaweh kti ia une u nongialam ka congress.
Ynda la poi ha DTO ophis Nongpoh u Rahul ula hiar sdang iaka jingiaid kjat ha Nongpoh ha kaba da ki hajar ngut ki paidbah bad ki nongialam ka seng Congress kila iashimbynta ha kane ka Yatra bad hadien katto katne por u Rahul ula shong biang da ka bos ban leit sha Madan Paham Syiem.
Hange ruh ki paidbah kila dap smam ha Madan ban ap ban iohi bad ban iohsngew ia ka jingkren u Nongialam ka Congress.
Ha kane ka jingialang ha Nongpoh la iadonlang u President ka MPCC u Bah Vincent Pala uba long ruh u MP ka Lok Sabha, u nongialam ka seng Congress u Jairam Ramesh, ki MLA, ki MDC, ki nongkitkam ka seng Congress bad kiwei kiwei.
