Shillong K’lyngkot 23: Ka ophis jong u Chief Electoral Officer ka Meghalaya ryngkat ka jingiatreilang bad ka Meghalaya Model United Nations kan wanrah iaka “Festival of Democracy – Road to 2023”, ia kaba la shimkhia da ka Meghalaya Electoral Literacy Club ban pynshlur ia ki samla ban iashimbynta ha ka jingjied ia ki nongmihkhmat.
Katei ka tamasa kan long ha ka 24 bad 25 tarik u Kyllalyngkot ha Soso Tham Auditorium naduh ka por 10 baje mynstep.
Ha katei ka tamasa yn pynlong ia ki jingiakop kiba bun jait, ki jingialehkai, ki jaka die jingbam bad ka tem ka put na ki kynhun bapher.
Nalor kane, yn pynlong ruh iaka symposium ha ka sngi baar jong ka tamasa ha ka por 6 baje janmiet ha kab ki nongai jingkren kiba mihkhmat iaka ‘Super Six’ kin iatai sani halor ki mat ki bapher bapher ha kaba iadei bad ka elekshon ban wan.
Ban ioh rung ha katei ka tamasa hap ban pyni iaka Voter ID card ne ka ID jongki jaka pule bad kan don ruh ka jingrejistar, jingpynthymmai bad jingpynbeit iaka kyrteng ha ka electoral roll.
