Shillong, Jymmang 29 : Ka West Jaintia Hills kala pynbteng ia ka jingai shuti ia ki skul/college bad ki University hapoh ka District namar ka jingbteng ka jingther u slap bad ka eriong ba khie na ka Cyclone Remal.
Kat kum ka jingpynbna ba pynmih da u Deputy Commissoner bad Chairman ka District Disaster Management Authority (DDMA) ka West Jaintia Hills, la ong ba ki skul/college bad ki University kin dang hap ban khang mynta ka sngi ka 29 tarik bad lashai ka 30 tarik Jymmang.
Ula pyntip ba ka jingslap bad eriong ka dang bteng hapoh ka District.
