Shillong, Jymmang 28: Ka Meghalaya’s State Disaster Response Force (SDRF) kala mih ban treikam naduh hynninka 27 tarik Rymphang sha kylleng ka Jylla hadien ka jingwan syllad ka eriong REMAL ha ryngkat u lapbah bad ka eriong, ka ba wan wanrah ruh ia ka jingtwa khyndew bad khyllem ki dieng ha kylleng ki jaka.
Ha Shillong, ki SDRF kila leit ai jingiarap sha Lumparing haka jinglam khmat da u Sub Inspector M A Thubru bad ki la lah ban iarap ia 8 ngut ki briew na kawei ka Building kaba don marjan bad ka jingtwa khyndew.
Kane ka juh ka kynhun kala poi ruh sha Bivar Road ban iarap ha ryngkat ka kynhun Fire & Emergency Services bad ka Shillong Municipal Board ban iarap iaki nong shong shnong hadien ka jingkhyllem ka kynroh.
Ha kane ka jingjia uwei, ula mynsaw bad la pynkit sha Hospital da ki para ba sah marjan.
Ha kawei ka jingjia ha Rilbong, ka kynhun SDRF haka jingialam da u Sub Inspector S Dkhar, kila iarap iaka tnat Forest ban pom iaki dieng kiba lah ban buh jingma.
Ka SDRF kala iarap pynkynriah ruh ia 14 ngut sha ka jaka ba kham shngain bad haduh mynta ka jingiarap iaki briew ka dang iaid.
Haba phai sha West Jaintia Hills, ka Quick Reaction Team (QRT) jong ka Civil Defence and Home Guards District offices haka jinglam khmat da Sub Inspector Y Challam kila lah ban weng iaki ding na Dulong bad pyllait ruh iaka jingdheng kali.
Ka QRT jong ka West Jaintia Hills Civil Defence and Home Guards district office kala poi ruh sha Khimusiang, Jowai ban weng iaki ding kiba lah ban buh jingma iaki paidbah.
Ha Tura, ka kynhun SDRF kala iarap iaki bor district ban weng iaki ding ba khyllem namar ka eriong ha Members’ Hostel Junction, Tura.
Ka SDRF kala trei shitom ban weng iaki ding bad iaki Wire ha Gandrak Dare ,Upper Chandmary bad Tura.
Ha kawei ka Operation, ka SDRF ba kam khmat da u Inspector SA Marak kala trei shitom bad ka tnat Forest ban weng iaki ding kiba khyllem halor ki ing ha Lower Balsanang,Tura hynrei kam shym la don ka jingjia ba sngewsih.
Ha Williamnagar, ka kynhunn Civil Defence & Home Guards personnel ba lam khmat da Sub Inspector R Ch Marak kala iarap iaka tnat Forest ban pom iaki ding bah kiba khyllem ha Kusimkol ha kaba ki wire ruh kila hap lang.
Ha kawei ka Operation ha Tura, ka kynhun SDRF ba lam khmat da Sub Inspector BD Sangma kala weng iaki ding ba khyllem hajan ka Tura Civil Hospital haka 27 tarik.
Watla ka kynhun SDRF kala poi kloi hynrei namar ka jingjur palat ka eriong, ym pat lah ban weng iaki ding bah bad ka kynhun SDRF kala bteng iaka kam mynstep kaba dang iaid haduh mynta.
Haka miet 27 tarik, ka kynhun SDRF kala weng iaki ding ba khyllem ha Springside School, Malki, Shillong.
Lah ban kdew baka State Disaster Response Force (SDRF) kala long kaba pynkhreh ban iakhun pyrshah iaka eriong bad u lap bah.
