Aizawl, Jymmang 28 : Haduh 10 ngut ki briew kila iap bad dang don sa katto katne ngut kiba dang jah rngai ha ka jingtwa jong ka par maw hynne ka step ha Aizawl.
Ki kynhun Search & Rescue kila ioh ban tam ia 10 tylli ki met haduh mynta na ki jaka ba marjan jong kane ka parmaw bad ioh pyllait im ruh ia arngut kiba la mynsaw jur.
Ka SDMA kala pynbna ruh ba ka don ka jingtwa khyndew ha kylleng ki jaka jong ka Mizoram, kiba la pakhang lynti ia kiba bun ki surok.
Ka Sorkar Mizoram kala hukum ban khang mardor ia baroh ki skul bad ki jaka pule namar ka jingjur palat u slap bad ka eriong ba khie ka cyclone Remal.
Ka Sorkar kala pynbna ruh ban khang khyrdep ia ki Ophis Sorkar mynta ka sngi lait noh tang ki Emergency Service ha baroh kawei ka Jylla.
