Shillong, Nailur 26: Ka Shillong Cricket Association A kala pynrem iaka East Jaintia Hills District Cricket Association da 248 run ha ka jingiakhun ha ka Zone 1, Group A jong ka Meghalaya Cricket Association U-19 Boys Inter District Cricket Tournament kaba la long hynne ka sngi Baar ha Umbuda, Nongpoh.
Haba tied nyngkong ka SCA kala kamai 348 run bad hap lut ki wiket ha ka 39.4 Overs bad haba kala leit ban kawang bok kala pynhap lut ia ki nongtied jong ka EJH da kaba kamai tang 100 run ha ka 26.1 over.
U Avinash ula tied bha da kaba kamai 150 run na ki 108 bol, katba u Pushkar Raj ula kamai 67 run na ki 58 bol, katba u Shavian Blah ula kamai 24 run na ki 16 bol bad u Angkit Tamang ula ioh 38 run na ki 13 bol.
Ha ka jingkawang bol ka EJH, u Dev Rai ula ioh 3 wiket bad ai 46 run katba u Bitu Lama ula ioh 3 wiket bad ai 57 run bad u Jeffre Chyrmang udei u nongkawang bol uba la ioh ban shim iaka wiket jong u Avinash.
Ka EJH kala donkam ban kamai 8.73 run ha ka shi over ban jop iaka jingiakhun hynrei dei tang u Amarjeet Gupta uba la ioh 31 run bad u Jeffre 27 run kiba la lah ban tied bha, katba kiwei kiwei kim shym la lah ban noh synniang than ban kamai run.
U Ayushman, ula ioh khur 5 wiket bad ai tang 19 run, hynrei Avinash ula ioh ia ka nam Player of the Match.
Ka jingiakhun lashai ka sngi kan long hapdeng ka SCA-B pyrshah ia ka Ri-Bhoi DCA ha ka Zone1 jongka Group A.
