Shillong, Sep 25: Ka West Jaintia Hills District Cricket Association kala pynrem iaka West Khasi Hills DCA da 7 wiket ha ka jingialehkai ha ka Zone 1 Group B jongka Meghalaya Cricket Association’s U-19 Boys Inter District Cricket Tournament kaba la long hynne ka sngi ha Umbuda, Nongpoh.
U Maremdor Sutnga jong ka WJH uba la tied bha bad kawang bol bha ula ioh ia ka nam Player of the Match da kaba shim 4 wiket bad ai 21 run bad ka kamai 34 run khlem out.
Ka WKH kala tied nyngkong bad ki nongtied kila out lut ha ka 23.1 na ka 32 over, ha kaba u Pynierlang Shangdier ula kamai 47 run na ka 33 bol hynrei na ki nongkawang bol, u Maremdor ula leh bha watla ula kawang bol tang 4.1 overs.
U Namewanki Pakyntein, ula ioh 4 wiket bad ai 29 ha ka jingkawang bol ha ki 7 over.
Haba ka WJH kala leit ban tied kala hap 3 wiket bad kala pyndep iaka jingialehkai ha ki 12 over,
U Maremdor ula kamai 34 run bad u Namewanki ula kamai 12 run bad ym shim la out.
U Ewanmidao Pyrtuh ula kamai 19 run na ki 16 bol, katba kala iarap bha iaka WJH kadei da kaba kamai 22 run tang na ki Wide Ball.
Ka jingialehkai lashai ka sngi kan long hapdeng ka Shillong Cricket Association A pyrshah iaka East Jaintia Hills DCA ha ka Zone 1 jongka Group A.
