Shillong, Nohprah 17: Ka Manipur ka donkam ban kamai 270 run ban pynrem ia ka Meghalaya ha ka jingiakhun ia ka U-19 Men’s Cooch Behar Trophy kabala long hynne ka sngi u Blei ha MCA Ground Polo, Shillong.
Ha ka step jong ka jingiakhun ha ka sngi kaba lai, ka Manipur kala kamai 267 run bad hap lut ki nongtied bad kala duna sa tang 53 run ia ka Meghalaya kaba la kamai 320 run ha ka jingtied ha ka sien kaba nyngkong.
U Angkit Tamang ula shim 3 wiket.
Ka Meghalaya kala leit ban tied ha ka sien ka baar, kala kamai 46 run bad ymshim la don ban Out, ha kaba u Manthan Dey ula kamai 28 run bad u Shubham Rasaily ula kamai 18 run. Hynrei ha ki 20 Over jong ka jingialehkai ka Meghalaya kala hap noh 6 wiket.
Hynrei haba u Angkit ula wan tied ban kyrshan lang ia u Kishlay Vishlux kila lah ban neh slem bad kila kamai haduh 84 run, u Kishlay uba la tied bha haka ha ka jingtied ha ka sien kaba nyngkong, hynne ka sngi ula out da kaba kamai 49 run bad ula duh iaka Half Century, katba u Angkit mar ia ioh ia ka Half Century ula Out noh.
U Charm Marbaniang ula kamai 20 run ha shwa ba ka jingiakhun ha kane ka sngi kan kut noh.
U Nongkawang bol ka Manipur u Joyhenba ula shim 5 wiket bad ai tang 33 run.
Ka Manipur kan bteng ban tied lashai ka Lah Sngi u Blei bad ka donkam ban kamai 270 run ban ioh khur ia ka jingjop ha kane ka jingiakhun.
