Shillong, Naiwieng 10 : U Myntri Rangbah ka Jylla Conrad K Sangma hynne ka sngi palei ula ong ba ka Sorkar kan sa shim ia ka rai hadien ka jingbishar ia ki jingdawa ban pynkha District bad ki C&RD Block hapoh ka Jylla.
“Kine ki dei ki rai kiba heh bad ngi hap ban khmih ia baroh ki liang bad ban bishar bniah ruh ia ki. Ngim kheinsting satia ia ki jingdawa jong ki nongshongshnong ka Jylla” ong u Conrad haba iakren bad ki nongthoh khubor.
Haba kylli, u Myntri Rangbah ka Jylla ula kyntait ban iathuh halor halor ka jingdon jong ki District thymmai bad ki C&RD Block ban sa pynkha da kane ka Sorkar ba mynta.
“Ngi la plie ia ka Rambrai C&RD Block bad ka Siju Block hynrei kam iahap ia nga ban ai ia ka thup mynta hynrei ngan pynthikna ba baroh kin sa tip haba don ka jingplie ia ki”ula ong.
“Kum ka Sorkar, ngi hap ban khmih ia baroh ki bynta haba ngi shim ia ka rai bad namar kata, ka jingpynkha ia ka District hi ngin sa rai hadien ba ngi la shong bishar ia kiei kiei baroh. Ia mynta ngi dang dang shong bishar ia ki kam” ula ong.
