Shillong, Kyllalyngkot 28: Ka Meghalaya hynne ka sngi, kala kamai 203 run katba ka Arunachal Pradesh kala kamai 101 run bad hap 2 wiket haka jingiakhun iaka U-23 Men’s Col CK Nayudu Trophy kaba la long ha MCA Ground, Shillong.
Ka Meghalaya kala leit tied nyngkong bad kala kamai 203 run, ha kaba u nongkawang bol ka Meghalaya Manish Sharma ula lah ban tied bha da kaba kamai 61 run na ki 62 bol, katba u Kevin Christopher ula kamai 41 run bad u Mrinal Das ula kamai 34 run, hynrei kiwei kiwei ki nongtied kim shym la lah ban kyrda ha ki nongkawang bol jong ka Arunachal.
Haba Mizoram kala leit ban tied kala kamai 101 run bad hap 2 wiket, ha kaba u Leki Tsering ula kamai 40 riun katba u Amarjeet Sharma ula kamai 47 run bad ym pat out satia.
U Abhishek Kumar bad u Sudhir Sahani kila ioh shim mar 1 wiket na ka bynta ka Meghalaya.
Ia kane ka jingiakhun la hap ban pynkut dang kloi noh, namar ka jingthud ka bording bad lashai ka sngi ka jingiakhun kan bteng biang.
