Shillong Kyllalyngkot 17: Ka Meghalaya kala pynrem ia ka Manipur da 51 run ha ka sngi basaw bad kaba khatduh jongkaU-23 Col CK Nayudu Trophy kaba la long hynne ka sngi Balang ha Surat.
U Manish Sharma u nongkawang bol ka Meghalaya ula ioh khur 6 wiket bad ai 32 run bad haka jingleit kawang bol ha ka jingiakhun ha ka First Innings ula ioh khur 6 wiket bad ai 50 run bad habakhein kyllum lang ula khur 12 wiket bad ai 82 run.
Ka Manipur kala kamai 257 run bad hap lut ki nongtied haka jingkeit teid haka sien kaba nyngkong hynrei ka Meghalaya kala kamai 467 run ha kaba u Kevin Christopher ula kamai 155 run, u Nishanta Chakraborty ula kamai 66 run, u Aman Kumar ula ioh 65 run bad u PM Santhosh ula kamai 51 run.
Ka Manipur kaba la leit ban tied biang ha ka sien ka baar hynne ka sngi kam shym la lah ban kyrda ha kaba kala kamai 23 run bad hap 5 wiket bad ki nongtied ka Manipur kila pyrshang ban neh slem hynrei kim shym la lah ban lehkai bha bad haka por ba ka Manipur kala kamai 159 run kala hap 6 wiket hynrei naduh kane ka por hi ki nongtied ka Manipur kim shym lalah shuh ban kamai run bad haduh ban da kut ka jingiakhun ka Manipur kala kamai 159 run bad hap lut ki nongtied.
Lyngba ka jingtbit kawang bol u Manish uba la shim 6 wiket, Abhishek Kumar bad u Aryan Borah kila shim mar 2 wiket.
Ka Meghalaya kan iakhun pyrshah ia ka Mizoram ha Nadiad, Gujarat naduh ka 21 tarik u Kyllalyngkot.
