Shillong, K’lyngkot 03: Ka Meghalaya Cricket Association, ka la pynbna ia ki kyrteng ki rang ialehkai ki ban mihkhmat ia ka Jylla sha ka lympung ialehkai jong ka U-23 Men’s Col CK Nayudu Trophy 2025-26, ka ban sa sdang ha une u bnai ba mynta.
Ha kane ka kynti kaba mynta, ka Meghalaya ka don ha ka kyrdan iakhun jong ka elite group bad pyniakap ia ka ha ka Group A, ha kaba ka la dep ba kan mad arsien ki nam rem, hynrei ban wanphai biang sha ka jingiakhun da ka jinglah ba kan iakhaid (draw) pyrshah bad ka Goa, ha ka jingiakhun ba la long hala iing ha u Naiwieng u snem ba la dep. Kumba ka long ia mynta, ka Meghalaya ka don ha ka kyrdan ba 7 na ki phra tylli ki jylla ba don ha kane ka group.
Ki kato katne ki jingkylla ha kane ka kynhun hadien ba la pynbna biang ia ki kyrteng ki long u ba la pynrung ia u Chandra Bahadur Thapa ryngkat bad Pushkar Raj Singh, Thunun Marak bad Denikcheng Marak, kiba la lah ban ialehkai bha ha ka lympung iakhun ka State A Trophy.
Na ki saw tylli ki jingiakhun kiba dang sah, artylli na kine kin long ha la iing ha kaba ia kane ka jingiakhun yn sa pynlong ha Tura ha madan ialehkai kaba don ha Alotgre, ka jingiakhun kaba nyngkong kan dei pyrshah ia ka Kerela kaban sdang ha ka 30 tarik mynta u bnai bad ka jingiakhun kaban wan kaban long pyrshah ia ka Gujarat kan long haka 13 tarik u Rymphang.
Kyrteng ki player : Dipankar Baruah (WK), Kevin Christopher (C), Asif Khan, Avinash Rai, Manish Sharma (VC), Shavian Blah, PM Santosh, Sudhir Sahani, Josiah Momin, Gavineal Marpna, Rohit Kumar Yadav, Thunun Marak (WK), Pushkar Raj Singh, Denikcheng Marak, Chandra Bahadur Thapa
Standbys: Sachin Kumar, Purav Agarwal, Dairo A Marak, Gulgul M Sangma, Banialam Mylliemngap
Support staff: Neetesh Sharma (Head Coach), Marty Mustafa (Assistant Coach), Emidao Dhar (Physio), Skhembor Khongbtep (Trainer), Chuba R Marak (Manager)
