COL CK Nayudu Trophy | Khyllem ki wicket ka J&K ha u Kevin bad Manish

Shillong, Risaw 27: Ki shi jur ki nongkwang bol (bowler) ka Meghalaya ba kynthup ia u Kevin Christopher bad Manish Sharma, ki la lah ha kaban pynhap lut ia baroh ki 10 tylli ki wiket ka Jammu & Kashmir, ha ka pali wan tied kaba ar (second innings) ka jong ka, ha ka lympung ialehkai jong ka U-23 men’s Col CK Nayudu Trophy Elite Group, ba la long ha Jammu mynta ka sngi.

Ha ka sngi kaba ar jong kane ka jingiakhun, ki nongtied (batsman) ka J&K ki la lap ba hap noh baroh ki wiket ki jong ka hadien ba ka la lah ba kan kamai tang 192 ron, kaba hangne u  Christopher u la ioh ban khur  6/34 na ki  15.5 overs bad u Manish 4/63 na ki  34.

Hadien kane, ka pynlong ia ka Meghalaya ba kan hap ba kan wan ban beh ia ka thong kaba long 293 ron ba kan jop, kaban sdang ia ka naduh lashai pat ka sngi.

Kum ban shu pynkynmaw ba ha ka pali wan tied (batting) kaba nyngkong, ka Meghalaya ka la lah ba kan kamai tang 107 ron, kaba long hadien ba ka la wan bad hap hap noh 7 wiket, kaba long hadien ba ka J&K ka la lah ba kan kamai 207 ron bad hap lut ki wiket ki jong ka.