Shillong, Kyllalyngkot 08: Ka Meghalaya kala tam da 392 run iaka Sikkim haka jingiakhun ha ka sngi baar jong ka U-23 Men’s Col CK Nayudu Trophy kaba la long hynne ka sngi Nyngkong ha Rangpo Sikkim.
Ha kane ka jingialehkai ka baar sngi kila hap haduh 29 wiket, ha kaba ka Meghalaya kala kamai 113 run haka jingleit tied kaba nyngkong katba ka Sikkim kala kamai tang 91 run bad hap lut ki nongtied.
Ka Meghalaya kala leit ban tied ha ka sien ka ba-ar bad kala kamai 370 run bad hap 9 wiket bad kala tam da 392 run.
Ar ngut ki nongkawang bol ka Meghalaya kila ialehkai bha, ha kaba u Manish Sharma ula ioh khur 6 wiket bad u Abhishek Kumar ual ioh shim 4 wiket.
Haba ka Meghalaya kala leit ban tied ha ka sien ka baar, na ka liang jong u Kevin Christopher ula ioh iaka Century da kaba kamai 137 run katba arngut ki Nongtied kila ioh iaka Half Century kiba kynthup ia u Mrinal Das ula kamai 54 run bad u Nishanta Chakraborty uba la kamai 59 run.
Ka jingialehkai bha ka Meghalaya kala iai bteng haba u PM Santhosh ula kamai 33 run katba ki nongtied kiba shadien eh kiba kynthup ia u Aryan Borah ula kamai 14 run bad u Abhishek 11 run kim shym la Out satia haduh ban da kut.
