Shillong, Rymphang 02: U Bipin Kumar Ray u nongkawang bol ka jylla Meghalaya ula ioh khur 8 wiket ha ka jingialehkai ha ka U-23 Men’s Col CK Nayudu Trophy pyrshah ia ka Vidarbha, Nagpur, kaba la sdang hynnin ka sngi Saitjain.
Ka Meghalaya kala jied ban kawang bol nyngkong bad kala pynhap lut ia ki nongtied ka Vidarbha da kaba kamai thik 200 run ha ka jingleit tied ha ka sien kaba nyngkong ha kaba u Bipin ula shim 6 wiket bad ai 70 run.
Katba u Manish Sharma ula ioh 3 wiket bad u Abhishek Kumar ula ioh 1 wiket.
Ka kynhun ka Meghalaya haba kala leit ban tied kala hap noh dang kloi 3 wiket bad kamai 21 run hynrei hadien kane u kapten ka Meghalaya u Kevin Christopher ula kamai 18 run bad u Swastic Chettri ula kamai 76 run bad ym shym la Out haduh ban da kut.
Ka Meghalaya kala hap lut ki nongtied bad kamai tang 157 run.
Ka Vidarbha kaba la leit ban tied ha ka sien ka baar, kala kamai 230 run bad hap 5 wiket bad kala tam da 273 run ia kaMeghalaya.
U Bipin bad u Kevin kila ioh shim mar 2 wiket bad u Manish ula ioh 1 wiket.
