Shillong, Kyllalyngkot 15: Ka Meghalaya kala ialehkai bha haka sngi ba-ar jong ka jingiakhun pyrshah iaka Manipur ha ka U-23 Men’s Col CK Nayudu Trophy kaba la long ha Surat.
Ka Manipur kala tied nyngkong bad kala kamai 257 run bad hap lut ki nongtied ha kaba u Manish Sharma jong ka Meghalaya ula khur 6 wiket bad ai 50 run ha ka 36 over bad une u nongkawang bol ha ka jingiakhun kaba la dep pyrshah iaka Sikkim ula ioh khur 14 wiket.
Hynne ka sngi ka Meghalaya kala kamai 230 run bad hap tang 4 ha ka 59 over bad ka dang hap ban kamai sa 27 run ban ia ryngkat bad ka jingkamai run ka Manipur.
Kila don 3 ngut ki nongtied ka Meghalaya kiba la ioh iaka Half Century ne kamai 50 run tam kiba kynthup ia u Nishanta Chakraborty uba la kamai 66 run, u Aman Kumar ula ioh 65 run bad u kapten u Kevin Christopher ula kamai 57 run bad ym pat out satia katba u Joydeepan Deb ula kamai 27 run bad ym pat out satia.
Haba phai sha ka Manipur kala tied baroh ar sngi ha kaba u Champion ula kamai 102 run bad u Suresh Singh ula kamai 39 run bad u Kiran Laishram ula kamai 65 bad ym shim la Out.
U Manish ula khur 6 wiket katba u Abhishek Kumar ula ioh 3 wiket na ka bynta ka Meghalaya.
