Shillong, Nailur 24 : Ka Meghalaya Cricket Association (MCA) kala jied ia 15 ngut ki rang ialehkai bad 5 ngut ki standby ki ban mihkhmat ia ka Jylla sha ki lai tylli ki jingiakhun jong ka U-23 men’s Col CK Nayudu Trophy 2024-25.
Kane ka lympung ka dei kaba pynialehkai bun sngi bad ka Meghalaya kan ialehkai ha ka thup pyrshah ia ka Punjab ha ka 13 haduh 16 tarik Risaw. Ka kynhun kan iakynduh ruh pyrshah ia ka Andhra Pradesh (Risaw 20-23) bad ka Himachal Pradesh (Risaw 27-30).
Ka Meghalaya kala shah pynkiew sha ka elite level hadien ka jingwan ba-ar ha ka plate group pyrshah ia ka Nagaland ha u snem 2023-24. Ka Meghalaya kala jip ia abroh hynriew tylli ki jingiakhun sha ka lynti ban ioh khur ia ka nam lahduh hynrei kala shah rem noh ha ka Nagaland ha ka phainal.
Ki rang ialehkai ka Jylla kila sdang ia ka jingkilan met ban pynkhreh ia ki jingiakhun ha Bengaluru bad nangne kin sa mih ban leit sha ka lympung ha ka 10 tarik Risaw.
Ka kynhun ialehkai ka Meghalaya na ka bynta ki lai tylli ki jingiakhun ki long : Kevin S Christopher, Manish Sharma, Aman Kumar, Avinash Rai, Abhishek Kumar, Gulgul Sangma, Gavineal J Marpna, Bipin Kr Ray, Josiah Momin, Joydeepan Deb, Navin Kumar, Purav Agarwal, PM Santhosh, Sachin Kumar, Swastic Chettri.
Standby: Thunun Marak, Kush Agarwal, Rohit Kr Yadav, Bharat Gurung, Raghav Magotra.
Support staff: Neetesh Sharma (Head Coach), Synrapsing Riahtam (Assistant Coach), Emidao Dhar (Physio), Skhembor Khongbtep (Trainer), Chuba R Marak (Manager).
