Shillong, Naiwieng 17: U Kapten ka kynhun ialehkai Cricket ka Meghalaya u Kevin Christopher ula ioh ia ka Century ne kamai palat iaka shispah run haka jingiakhun pyrshah ia ka Railways ha ka CK Nayudu Trophy, kaba long ruh kum ka jingai burom ia la u Kpa uba la khlad noh dang shen.
Kane ka jinglah ka jong u Christopher ban ialehkai bha kala pynlong ia u ban ioh ia ka jingiaroh na ki nongialam bad ki dkhot jongka Meghalaya Cricket Association namar ka jinglah ban ioh ia ka Century pyrshah iaka Railways khamtam haba une u nongialehkai uba dang samla, dang shen ula duh noh ia la u kpa hynrei ula shim ia ka jingkitkhlieh ban ialam bad mihkhmat ia ka jylla.
Ha ka First Innings ka Meghalaya pyrshah ia ka Railways, u Christopher ula kamai 112 run bad kane ka jingkamai ka jong u kala kot mar shiteng ia ka jinglah kamai jong ka Meghalaya kaba long 227 Run.
“Nga ai khublei ia u Kevin Christopher halor kaj inglah ka jongu ban ioh ia ka century kaba itynnad pyrshah ia ka Railways ha ka CK Nayudu Trophy. Kadei ka jingainam bad burom kaba kyrpang tam ia u Kpa jongu uba la khlad noh dang shen” ong u President ka MCA Nababrata Bhattacharjee.
Ka Railways, kala kamai 521 run bad hap 9 ngut ki nongtied ha ka jingleit tied ha ka sien kaba nyngkong bad kala ailad noh ia ka Meghalaya ba kan leit tied bad kala kamai tang 227 run.
Ka Meghalaya kala leit tied biang ha ka sien ka ba-ar bad kala kamai tang 139 run bad kala pynlong ia ka Railways ban jop da 155 run bad khlem da donkam ban tied arsien.
Ha ka Second Innings dei tang u Rohit Kr Yadav uba la kamai 65 run khlem Out, katba u Abhishek Kumar ula khur 4 wiket.
