Shillong, Risaw 23: Ki Pulit ka Ri-Bhoi kila file chargesheet pyrshah ia u Iainehskhem Kharsati (22) halor ka jingdonkti ban leh beijot bad pyniap ia ka khynnah 13 snem ha ka shnong Kalapangti, Ri-Bhoi District.
“Ka jingtohkit kala dep hapoh ka 13 sngi bad kat kum ka jingkular jong ngi, ngi la chargesheet ia kane ka case hapoh ka artaiew” ong u Superintendent of Police ka Ri-Bhoi V Rathore ha ka sngi Palei.
U pyntip ba ia kane ka case la register ha ka 10 tarik Risaw hadien ka jinglap ia ka metiap kane ka khynnah ha ka janmiet jong ka sngi ba la lah.
Ia ka jingtohkit la khlieh da ka WP/UBSI S Ryngskai, kaba don mynta ha Umiam Police Station.
Kat kum ka jingong ki Pulit, kane ka Khynnah kala jah ha ka por 11 baje mynstep jong ka 9 tarik Risaw, 2025 hadien ba wan phai na skul bad ia ka met jong ka, la lap ha ka por 7:20 baje mynmiet ha kane hi ka sngi.
Ka Meghalaya Forensic Crime Scene Unit (MFCSU) kala tohkit ia kane ka jaka bad kala lum ia ki sakhi hashuwa ban rah ia ka met sha Nongpoh Civil Hospital ban pyndep ia ka post mortem.
U nongshah kynnoh ula kubur ba leh ia kane ka kam bymman bad kubur ruh ba ula leh beijot shuwa bad hadien sa pyniap ia kane ka khynnah.
 halor ka jingdonkti ban leh beijot bad pyniap ia ka khynnah 13 snem ha ka shnong Kalapangti, Ri-Bhoi District.){kind=link}