spot_img

Byrngem u MDC ban mudui mukotduma ia ka GHADC ba kynnoh lum khajna khlem ioh bor

Date:

Share post:

Shillong, Naitung 14 : U MDC ka BJP na Tura Bernard N Marak, ula byrngem ban mudui da ka mukotduma lada ka Garo Hills Autonomous District Council (GHADC) kam lah ban pynshai hapoh ka 10 sngi halor ka jingkynnoh lum khajna khlem da ioh ka jingmynjur u Lat, kumba bthah da ka Sixth Schedule jong ka Riti Synshar ka ri.

Ha ka shithi sha u Executive Member ka Councial Grahambell A Sangma, u Bernard ula buh jingkylli ia ka bor kaba ka Tnad ka ioh ban lum ia ka khajna, khamtam ia ki riewlum, khlem da ioh ia ka jingai jingbit ne mynjur kat kum ka Riti Synshar.

U Bernard ula kynnoh ba ka jinglum khajna ka long kaba beain, bad kaba beiriti, khlem da ioh ia ka jingmynjur u Lat.

Ula ong ba ka GHADC kam shym la lah ban siew pynkhuid ia palat 40 bnai ka tulop jong ki Nongtrei wat hapdeng ka jingpynmih pisa lyngba ki khajna ki bala lum khlem ka jingbit.

Ula dawa ia ka EC ka ban pynshai mardor halor ka jingshong ain ban lum khajna khlem ka jingaibor ne mynjur u Lat ka Jylla.

Ula pynpaw ba lada ka GHADC kam lah ban ai ia ka jubab kaba sngewhun hapoh ka 10 sngi, ula byrngem ban iaid noh da ka lynti jong ka ain, lehse da kaba phah tuklar ha ka Iingkashari ban pynthikna ba ka GHADC ka treikam hapoh ki kyndon ka Riti Synshar ka Ri.

Share post:

spot_img
spot_img

Popular

More like this
Related

Missing Agri Officer | Search enters day 3 in Ganol area

Tura, Aug 5: The search operation for the missing...

Silchar quack who performed 50 surgeries over a decade arrested

Guwahati, Aug 5: In a major crackdown against quackery,...

Pdiang ka Supreme Court ban bishar biang ia ka hukum khangdam ia ka CMJ University

Shillong, Nailar 04 : Ka Iingkashari Supreme Court kala...

Bthah u DyCM ia ka NHIDCL ban buh ‘jingthoh dak’ ha ki jaka riat ka surok Pynursla

Shillong, Nailar 04 : U Symbud Myntri Rangbah ba...