Shillong, Lber 24 : Ki nongshongshnong ka Block-I kiba don hapoh ka lama jong ka Hynniewtrep Border Dispute Redressal Forum (HBDRF) kila pynbna ban boycott ia ki elekshn bad byrngem ban pynlong ia ka jingiakhih pyrshah ia ka jingleh bym patiaw ka Sorkar ia ki jingdawa ban pynbeit noh mardor ia ka jingiakajia pud bad ka Assam.
“Ki nongshongshnong ka Block-I kila shim ia ka rai dang shen ha ka jingialang paidbah ban boycott ia baroh ki elekshon – la ka dei ka Karbi Anglong Autonomous Council (KAAC), ka elekshon Assam lane ka elekshon shiteng samoi jong ka MP Lok Sabha. Ka daw ka long ban pynthikna ia ka jingpynbeit noh mardor ia ka jingiakajia pud” ong u Working President ka KHNAM Bah Thomas Passah haba kren na ka bynta ka HBDRF hadien ka jingialang ba long ha ka sngi Ba-ar.
Ula kynnoh ba ki briew kiba don jingiadei bad ki Seng Sain Pyrthei ka Ri, kila pyrshang ban iaid ialap elekshon ha ki shnong khappud kiba hap hapoh u pud u sam ka Meghalaya, ban pan vote bad ong “Namar kata, ngi kwah ban pyrshah ia kum kine ki jingpyrshang da kine ki briew, kiba kwah tang ban myntoi shimet”.
U Bah Passah ula kynnoh ba ka Sorkar Jylla, ba ialam da u Myntri Rangbah Conrad K Sangma, kala jied ban shu sngap wat hapdeng kiba bun ki dorkhas bala ai.
Ka jingdawa ba hakhmat eh ka long ban ithuh ia ki shnong bala pynmih jingpynbna (notified) da ka Jaintia Hills Autonomous District Council (JHADC), kiban pynlong ia ki nongshongshnong ba kin ioh ia ki kot ki sla kiba donkam.
“Kawei na ki mat ba kongsan eh kaba ngi la ban jur ia ka Sorkar ka long ban ithuh ia baroh ki shnong bad bala pynbna da ka JHADC la bun bun bnai khnang ba kine ki shnong hadien ba ki ioh ia ka jingpynbna lyngba ki BDO, kin lah ban aplai ia ki kot ki sla bapher bapher kiba long kongsan ha kine ki sngi ba mynta” ula ong.
“Ki nongshongshnong ka Assam kila shim kabu ia ka jingbym leh eiei jong ngi” ong u Bah Passah haba pynbna ia ka rai ka HBDRF ban pynlong ia ka jingiakhih lada ka Sorkar Meghalaya kam leh eiei.
U iathuh ba ka Forum kan sa shim rai ia kum kiei ki jait jingiakhih ban pynlong hadien ka jingiasyllok kaba bniah ha kine ki khyndiat sngi ban wan bad yn sa pyntip paidbah ruh ia ki.
 kila pynbna ban boycott ia ki elekshn bad byrngem ban pynlong ia ka jingiakhih pyrshah ia ka jingleh bym patiaw ka Sorkar ia ki jingdawa ban pynbeit noh mardor ia ka jingiakajia pud bad ka Assam.){kind=link}