Shillong Jylliew 05: Ka KSU Laban Circle hynne ka sngi Nyngkong, kala byrngem ban hiar kyndang hi noh ia ki bar jylla ba ri masi be-ain ha Maxwelton Estate, Lower Lumparing lada ki bor Sorkar kim shym khia ban kyndang noh kloi kloi ia ki.
Ka KSU-Laban Circle hynne ka sngi Nyngkong, kala leit ban leit ujor bad pynkynmaw biang sa shisien ia ka Shillong Municipal Board (SMB) halor ka jingsahteng ban weng ia kine ki bar jylla na kane ka jaka.
Ka KSU Laban Circle kala pynpaw ia ka jingbitar halor ka jingslem ki bor sorkar ban weng ia kine ki bar jylla khamtam haba kine ki bar jylla kiba ri masi ha kine ki jaka, ki dei ki bym shim don satia ia kino kino ki kot ki sla kiba biang.
Kala ong ruh ba nalor kane, ka Maxwelton Estate ka dei ka jaka kaba dang hap hapoh ka Municipal Area ia kaba ym lah satia ban ri ia kino kino ki jingri.
“Ka jingdon jong kine ki bar jylla ha kine ki jaka ka pynjaboh ia ka mariang namar ki pyntuid ia ka jaboh sha ki nala bad sha ka wah. Ka jingsma iwtung kaba mih na kane ka jaka, kaba long ka jingma ia ka koit ka khiah jong ki paidbah” la pynpaw ka KSU Laban Circle.
Ka Seng ka pynpaw ba lada ki bor pyniaid ki dang iai pynslem ban kyndang bad weng ia kine ki bar jylla, ka Seng kan shim hi iala ki jongki sienjam ban weng ia kine ki bar jylla kiba wan pynjaboh ia ka mei mariang bad ka Seng kam kwah ruh ba ka Maxwelton Estate kan long kum ka “Them Metor baar” namar kat dang iaid ki sngi, dang bun ki bar jylla kiba dang wan buhai shnong be-aiñ.
Kila pynpaw ba na ka liang ka Shillong Municipal Board kala pynshai ba kala dep leit khmih ia kitei ka jaka bad shen hi kin sa phah noh ka ‘Order’ ban weng noh ia kine briew ba ri masi be-aiñ ha kine ki jaka.
