Shillong, Nohprah 18 : Ka Liang Pyrshah Voice of the People Party (VPP) kala byrngem ba kan pyn bteng biang ia ki jingiakhih jong ka lada ka Sorkar Jylla kam lah ban pynlait noh ia ka kaiphod jong ka Expert Committee ba shong bishar ia ka Meghalaya Job Reservation Policy.
Ha ka kyrwoh bala phah sha u Myntri Rangbah ka Jylla Conrad K Sangma ha ka sngi Palei, u President ka VPP ula pynpaw ba hynriew bnai kila iaid naduh ba aiti ia ka kaiphod da ka Committee hynrei ka Sorkar ka dang set ban pynlong paidbah ia ka.
“Hynrei ka Sorkar Jylla la I kumba kam kwah ban pynlong paidbah haduh mynta wat hapdeng ki jing pynkynmaw na ka por sha ka por da ka party” ula ong.
Ka VPP kala maham ba kan pynsdang biang ia ki jingiakhih lad aka Sorkar kam lah ban pynbna noh mar mar ia ka kaiphod.
Ka Expert Committee, kaba la khlieh da u Justice (Retd) Mool Chand Garg, ka dei kaba la thung ha u Nailur 2023 ban shong bishar ia ka Reservation Policy u snem 1972. Ia ka kaiphod la aiti sha ka Sorkar ha u bnai Jylliew 2025, hynrei haduh mynta ym pat pynlait paidbah satia, kaba pynmih ia ki jingsngewkhia halor ka jingleh hok bad jingshai ha kane ka jingbishar.
U Myntri Rangbah Conrad K Sangma ula pynpaw dang shen ba ia ka kaiphod yn sa pynmih hadien ka jingmynjur jong ka Kynhun Myntri, hynrei u khlem buh por satia lano.
 kala byrngem ba kan pyn bteng biang ia ki jingiakhih jong ka lada ka Sorkar Jylla kam lah ban pynlait noh ia ka kaiphod jong ka Expert Committee ba shong bishar ia ka Meghalaya Job Reservation Policy.){kind=link}