spot_img

Bynniaw u Myntri ba shah kawang bomb pynsat khmat ki Nonghikai kontrak

Date:

Share post:

Shillong, Risaw 10: U Myntri Koit ka Khiah u James PK, Sangma u la pynpaw ba ka jingshah kawang Bomb tear gas ne lyer pynsat khmat ia ki nonghikai kontrak ka long kaei kaei kaba ym lah ban pdiang satia khamtam haba ka jingiakhih ka long kaba jai jai bha.

“Ki bor pulit kim lah ban pyndonkam da ka bor lane kawang bomb pynsat khmat ia ki paidbah lane iaki nonghikai kiba don da ka jingthmu ba jai jai lada ki pynlong ia ki jingiakhih. Ka jingshah kawang bomb pynsat khmat ki nonghikai ka long kaei kaei kaba ym lah ban pdiang bad ka jingjia ha ka 6 tarik ka long kaba sngewsih bad kam dei shuh ban jia kumne nangne shakhmat” ong u James Sangma haba iakren bad ki nongthoh khubor.

U la ong, katkum ka riti synshar paidbah, ki paidbah lane ki nonghikai ki don iaka hok ban iakhih hynrei ki pulit ne ki bor pyniaid distrik kidei ban long kiba adkar haba ki pyrshang ban tem iaka jingiakynad ban pynthikna ba kim dei ban pynmynsaw ia kiba pynlong iaka jingiakhih.

Kumban shu pynkynmaw, ha ka 6 tarik u Risaw, ki nonghikai kontrak hapoh ka lama jongka Meghalaya Government Lower Primary School Contractual Teachers Association (MGLPSCTA) katba ki dang leit tur sha Secretariat ban dawa na ka sorkar ban thungkam biang ia ki, hynrei ha kane ka jingleit tur ki pulit kila kawang da ki Bomb Tear Gas ia ki nonghikai haba ki pulit kim shym la lah ban khang lynti ia kine ki nongiakhih.

Share post:

spot_img
spot_img

Popular

More like this
Related

Ka Meghalaya kan jop ia ka thma droks kumba jop ia ki kam kaikhlaw: Paul Lyngdoh

Shillong, Nailar 21: U Myntri ka tnad Social Welfare...

Assam | Pynsangeh ka Sorkar ban pynrung Aadhaar ia kiba palat 18 snem naduh u Risaw

Guwahati, Nailar 21: Ka jingialang jong ka kynhun Myntri...

Pynjari ka DC da ka kurphiw miet ba arbnai ha jaka khappud ka Bangladesh

Shillong, Nailar 21 : Kum ka sienjam ban khanglad...

Leit bhen ka trok ia ka Maruti EECO, mynsaw 2 ngut

Shillong, Nailar 21: Ka jingjia aksident hynne ka step...