Shillong, Iaiong 6: U Symbud Myntri Rangbah ka Jylla u Bah Prestone Tynsong ula pynpaw ka jingbyniaw ia ka jingpyndonkam bakla iaka kyntien ‘Jaidbynriew’ bad kane kan wanrah ia ka jingduh nong ia ka imlang sahlang.
U Bah Prestone ula ong ba iaka kyntien Jaidbynriew la pyndonkam man ka sngi khamtam ha ki bynta ban pynthut iaka shongsuk shongshngain bad ban wanrah jingkulmar.
“Ka kyntien Jaidbynriew kala hiar dor na ka jingmut kaba mynshwa bad mynta kala kylla tad dor bad ka kyntien kala kylla ka jingmut ban iashun kynthup ban iarah kti ruh bad ban iashun shi iing shi sem” ula ong.
U Bah Prestone ula ong, ba kala dei ka por ban iakren halor namar kane kan ktah ia ka imlang sahlang lada pyndonkam bakla iaka kyntien Jaidbynriew.
“Ka kyntien Jaidbynriew kadei kaba shongkhia bha hynrei namar ka jingpyndonkam bakla iaka kyntien kane ka lah ban pynhiar dor noh ha ka imlang sahlang.”
Ula kyntu ia ki paidbah ban pynneh pynsah iaka kyntien Jaidbynriew kumba ka long haki por mynshwa bad ula iai ban ba ka National People’s Party (NPP) kan ialeh ban pynneh bad kyntiew iaka kyntien Jaidbynriew kumba ka long naduh ki por jong ki longshwa mynshwa.
