Shillong, Nailur 13 : Ka Meghalaya Editors & Publishers Association (MEPA) ka pynpaw ka jingsngewsih ka ba khraw halor ka jingkhlad noh u Dr. D. D. Lapang, uwei na riewsaiñ pyrthei u ba khraw tam ha jylla u ba dei ruh u Khlieh Rangbah ba nyngkong duh jong ka MEPA.
Shwa ban shim bynta kum u khlieh rangbah ka MEPA, u Dr. Lapang u la noh synñiang shikatdei eh na ka bynta ka kam pathai khubor ha ba u la shimti ban seng ia ka kotkhubor U Peitngor ka ba la shakri ia ka imlang sahlang bad kyntiew ia ki rangbah bad sanmla ha ka kam thoh khubor ba dang iai bteng haduh mynta mynne. Ka phangma ban kyntiew shaphrang ia ka kam thoh bad pathai khubor ka la nang bteng shuh shuh ha ba u la aiti kawei ka shlem treikam ki nongthoh khubor, ka iing ba pura ia ka Shillong Press Club, khnang ba ki nongthoh khubor kin ioh la ka jaka ba paka na ka bynta ban kyntiew ia ka pathai khubor bad ban byrngia para nongthoh khubor.
Ha ka jingiakynduh kyrkieh ki paradkhot ka MEPA ki la sien syntiew bad ñiew burom ia u Dr D D Lapang, da ka ba kynmaw tympang ia byllai ki kam kum u nongaibuit bad ai mynsiem ia ki nongthoh khubor. Ka mynsiem shitrhem bad sngewrit iohi jngai ha ka liang ban tei ia ka imlang sahlang, ha ka ba u la synshar ia ka jylla la sawsien kynthih kum u Myntri Rangbah ha la ki pali.
Ha ka ba phah ia u kyrwoh sngewlem sha ka longiing longsem, ka MEPA ka pynpaw ka jingsngewnguh ia u synñiang jong u Dr D D Lapang sha ka kam thoh khubor bad sha ka imlang sahlang baroh kawei. Ha ka kyrteng jong baroh ki dkhot ka MEPA u khlieh rangbah, Bah R Monarch Shabong u la bynñiaw ia ka jingkhlad jong u Dr D D Lapang bad pynleit ha ka jingduwai ba ka mynsiem kan leit suk sha dwar U Blei, da ka ba ïai pyrto ia une u rangbah.
 ka pynpaw ka jingsngewsih ka ba khraw halor ka jingkhlad noh u Dr. D. D. Lapang, uwei na riewsaiñ pyrthei u ba khraw tam ha jylla u ba dei ruh u Khlieh Rangbah ba nyngkong duh jong ka MEPA.){kind=link}