Shillong, Naiwieng 14: Ka Sorkar Jylla kala trei shitom bad ka tnat Police ha ka ban tehlakam bad pynkut shisyndon iaka jingwan rung u drok hapoh Meghalaya kham kloi katba lah.
Ia kane la pyntip da u Symbud Myntri Rangbah Bah Prestone Tynsong uba khmih ruh iaka tnat kam pohïing haab pyntip baka jingthang iaki Drok ha East Jaintia Hills ka dei tang ka jingsdang ban pynduh jait ia u Drok bad nangne shakhmat ki paidbah kin sa nang sakhi.
“Ki Pulit ka jylla kim ioh thiah namar ki bunkam ban iakhun ban pynduh jait ka jingwan poi u drok hapoh Meghalaya daka ba kem ia ki nong wanrah drok. Haba iadei bad kiba kyrni drok, ngi donkam ka jingiarap naki bor shnong bad ki bahaïing ban pynduh iaka jingkhaii” la ong u Bah Prestone.
Haba kylli halor ka jingsaphriang ka video ba khaii droks ka Kynthei ha surok GS Road mynsngi mynshai, u Bah Prestone ula kubur ba um don jingtip satia ia kane ka jingjia.
U Bah Prestone ula kyntu ia ki riew paidbah ba lada ki don kano kano ka jingishankhmat ia ki briew ba khaii droks, ki dei ban wan shakhmat bad ban pyntip sha ki bor ka ain. Ula kular ruh ba ki Pulit kin buhrieh ia ka kyrteng jong ki.
