Shillong, Jymmang 08 : U Myntri Rangbah ka Jylla Conrad K Sangma ha ka sngi Balang, ula pyntip ba ka State Secretariat ba thymmai, ka ban mih ha New Shillong Township (NST) kum shibynta ban wanrah ia ka Administrative City ba thymmai, la buh por antad ban pyndep noh hapoh ki pdeng snem jong u 2027.
Kane ka Administrative City ba thymmai la khmih kum ka kam ba kongsan bha ban wanrah ia ka jingkylluid hapoh ka Nongbah Shillong, kaba don baroh ki Ophis Sorkar bad ba marjan ja Police Bazaar, ka Iew ba thnem bha ha ka iadie iathied ha Shillong.
Ha ryngkat ka jingsynran ki Ophisar na ka Tnad Planning bad Urban Affairs, u Myntri Rangbah ula leit ban jurip ia ki jingtei jong kane ka Secretariat ba thymmai ha Umsawli bad shong bishar ia ka jingiaid sted bad jingtrei bha ia ka kam. Ula pynpaw ruh ia ka jingihun ban iohi ia ka rukom iaid ki kam.
Ia kane ka Secretariat ba thymmai la tei ha ka jingmang pisa ba kot T.1188 klur bad la buh mawnongrim ia ka ha ka 21 tarik Kyllalyngkot, 2025.
“Ngi khmih lynti ba ka project kan dep hapoh ka por kaba la buh bad ngi khmih lynti ba ha ki pdeng bnai jong u snem 2027, ngi dei ban lah ban pyndep noh ia kane ka project. Kane ka dei ka project kaba donkam bha naamr kane kam long satia tang ka Administrative City hynrei kan lam sha ka jingpynkylluid kaba khraw ia ka Nongbah Shillong” ong u Myntri Rangbah hadien ka jingjurip.
U Conrad ula pyntip ruh ia ba bun ki surok hapoh ka New Shillong Township kila dep bad bun ruh ki project surok kiba dang pyntrei. Ki lynti surok ha kane ka Administrative City kan pyniasoh ia ki project bapher bapher ha ka thain.
 kum shibynta ban wanrah ia ka Administrative City ba thymmai, la buh por antad ban pyndep noh hapoh ki pdeng snem jong u 2027.){kind=link}