Shillong Nailur 30: U Myntri ka Rep ka Riang Bah Banteidor Lyngdoh, hynne ka sngi thohdieng, u la buh ia u maw nongrim ban kyntiew kyrdan noh iaka Jongksha Public Health Centre (PHC) sha ka Community Health Centre (CHC).
Haba kren ha ka jingialang u Bah Banteidor ula ong, da ka jingkyntiew kyrdan ia kane ka PHC kaba mynta, ki paid nongshong shnong ka Jongksha bad ki shnong kiba marjan kin ioh iaka jingsumar kaba kham bha shuh shuh.
Ula kyntu ia baroh khamtam ia ki nongshong shnong ba kin ai ka jingiatreilang bad ka sorkar jylla ha ka liang ka koit ka khiah bad ban kyntiew iaki jaka ai jingsumar ha baroh ki liang.
Ha katei ka jingbuh mawnongrim la iadon ryngkat lang u MDC ka Mawkynrew u Bah Martle Mukhim, u Block Development Officer jongka Mawkynrew C & RD Block Bah G. Dkhar bad Dr. H Lyndem, Director of Health Services (MI) bad kiwei kiwei.
