Shillong, K’lyngkot 16: U MLA ka Mawryngkneng Constituency bah Pyniaid Sing Syiem hynne ka sngi nyngkong, ula buh ia u mawnongrim ban tei pynheh ia ka iing shong dorbar jong ka Dorbar Shong Lawjynriew Nongthymmai Shillong.
Ia ka pisa ban tei ia kane ka ïing la ioh lyngba ka skhim Chief Minister Development Fund, ha ka jinglut jingsep baroh ba kot T.15 lak, ia kaba la ioh pdiang ruh ia ka pisa mar shiteng na kaba la mang.
Shen ka dorbar shnong kan sdang noh ia ka jingtei ia katei ka ïing dorbar naka bynta ka jingbit jingbiang jong ka shnong ka thaw baroh kawei.
Ha katei ka sngi, la iadon ryngkat ruh ka kyrtong ka seng NPP kaban iakhun ia ka election MLA na Nongthymmai Constituency ka kong Jasmine Lyngdoh ryngkat u Rangbah Shnong u Bah SB Khashandi, ki nongkitkam shnong bad kiwei kiwei.
