spot_img

Buh mawnongrim u CM ia ka Organic Spice Unit ba T. 16 klur ha Bhoirymbong

Date:

Share post:

Nongpoh, Nailar 09 : U Myntri Rangbah ka jylla Conrad K Sangma ha ka sngi Thohdieng, u la buh mawnongrim ban tei ïaka Organic Spice Industrial Unit (Prime Hub) jong ka Eastern Ri Bhoi Organic Farmer Producer Company Ltd ha Bhoirymbong, kaba la mang pisa kumba T.16 klur ban kyrshan ïaki nongrep.

Ha katei ka sngi la wan ruh ban sakhi da u Bah Damanbait Lamare MLA ka Umroi, u A Baranwal Deputy Commissioner ka Ri Bhoi, u Jagpal Singh Dhanao Superintendent of Police ka Ri Bhoi, ki Ophisar naka tnad ka rep ka riang bad kiwei kiwei.

Haba kren ha katei ka sngi u Conrad u la ong ba ka sorkar ka kwah ban ïarap ia ki nongrep, bad kaba kwah eh ban pynbun ia ki Food Processing unit haka jylla bad kumba ka long mynta, ki la lah ban buh ha Nongpoh, ha Jaintia ha Trikilla, Rongmora lem bad ha kiwei ki jaka, ha kaba lyngba kitei ki food processing unit ka la ai jingmyntoi eh ia ki nongrep.

“Ngi kmen eh halor kane ka project ha Bhoirymbong bad kyntu ia ki paid nongrep ba kin pyndonkam ha kata ka rukom kaba dei khnang ba kan long ka jingmyntoi ia ki bad kan kyntiew ia ka kamrep ha ka jylla hi baroh kawei” ula ong.

U Myntri Rangbah ula pynpaw ruh “Ngi kloi ban ïarap ia ki nongrep bad ki nongpyniaid jong katei ka food processing unit- ka ban pynmyntoi shibun eh ia ki nongrep ka thain”.

Haba pyntip ba u MLA ka Umroi u dei uwei na ki ba pynbor ia ka sorkar ban wanrah ia ka Food Processing Unit ha thain Umroi, u Conrad ula ong “ Ka Umroi ka dei ka jaka kaba paka palat bad kaba hap pynlong kum ka kad khaii ym tang jong ka Ri-Bhoi District hynrei jong ka Jylla baroh kawei”.

Ula ong ba ka Umroi ka dei ka jaka kaba pyniasoh ia baroh ki Jylla ka thain Shatei Lam Mihngi bad ka Ri India da ka jingdon ka surok kaba paka, nalor ka jingdon ka kad Liengsuin bad kiwei kiwei.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...