Shillong, Risaw 28: U Myntri Rangbah ka jylla Conrad K Sangma hynne ka sngi thohdieng, ula buh mawnongrim ban kyntiew kyrdan ia ka Byrnihat Primary Health Centre (PHC) sha ka Community Health Centre (CHC) ha ka jingialang bala pynlong ha Madan ialehkai ha Lumnongrim Byrnihat.
Ka Byrnihat PHC ka dei kaba la sdang treikam naduh u snem 1989. Haduh T. 11 klur la mang ka sorkar ban kyntiew kyrdan ia kane ka PHC kaba ai jing shakri ia kumba 113 tylli ki Shnong.
Haba kren ha ka jingialang, u Myntri Rangbah ula pynpaw ia ka jingkmen ba kane ka jingdonkam bala slem bha jong ki paidbah ka thain kala urlong. Ula pynpaw ia ka jingsngewskhem ba ka jingkyntiew kyrdan kan lah ban ai ia ka jing shakri ba kham janai sha ki paidbah ka Byrnihat bad ki shnong ba marjan.
U Myntri Rangbah ula pyntip ruh ba ka Sorkar kala trei shitom ban pynjanai ia ki jaka sumar ha ka Jylla haba pynpaw ba ka jingkynshew pisa bad ka jingwanrah ia ki kor ki bor ha ki jaka ba kham kongsan kan iarap ia ka sorkar ban pynkhlain ia ki jaka sumar ha ka Jylla.
U Myntri Rangbah ula pyntip ruh ha ka jingialang halor ka jingtyrwa jong ka Sorkar ban pynkylla digital noh ia ka rukom treikam jong ki hospital bad ki jaka sumar. Ula ong ba ka jingtreikam da kk kor digital kan nang pynkhlain bad pynjanai ia ka jingshakri jong ki jaka sumar hapoh ka Jylla.
“Ka Ri-Bhoi kan ialam lynti ha ka jingpynkylla ba kumno ki jaka ai jingsumar kin shakri. Ngin sa pyntreikam nlh da ki kor digital haba buh record ia ki nongpang bad baroh ki jingshakri naduh ki CHC haduh ki Civil Hospital. Kane kan dei kawei na ki project hapoh ka thain Shatei Lam Mihngi bad ha ka Ri mynta. Shisien bala pyntreikam da ki kor computer, kan sa pynkylla ia ka jingtreikam ki jaka sumar” ong u Conrad.
Ri Bhoi District will lead the way in implementation of healthcare services through digitization of patients’ medical records.
This will change the way healthcare service is delivered & we are so glad to initiate the first pilot project in the District.@mansukhmandviya pic.twitter.com/VRkBMWkX8n
— Conrad Sangma (@SangmaConrad) October 28, 2022
Haba kren bniah halor ki project kam pynroi ha Jirang, u Myntri Rangbah ula pyntip ruh ba shen yn sa kyntiew kyrdan noh ia ka Patharkhmah Administrative Unit sha ka Civil Sub-Division.
