spot_img

Buh jingma ka NHAI ia ki paidbah ba shu ieh satah ia ki shyiap bad maw ha surok NH-6

Date:

Share post:

Nongpoh, Risaw 04 : Ka Hynniewtrep Youth Council (HYC) Nongpoh Circle, ka la pynrem jur ia ka National Highway Authority of India (NHAI) halor ka jingieh satah ia ka khyndew , u shyiap bad mawria kaba la tuid na ka jingther u lapbah sharud u surok NH-6 ha ki bynta jong ka Umdihar sha Dulongnar, Ri Bhoi District.

Ka HYC kala kynnoh ba kane ka jingleh jong ka NHAI ka dei kaba buh jingma bha ia ka leit ka wan jong ki paidbah kiba leit jingleit na kane ka surok bah.

Ka jingtuid jong ka khyndew, u shyiap bad mawria ha kane ka bynta jong u surok NH-6, ka dei kaba la jia mynta la bun bun bnai hynrei ki bor ka NHAI kim shem la patiaw satia ban pynkhuid ia katei ka bynta kaba la wanrah ruh ia ka jingjulor jong kane ka surok bah bad buh jingeh ia ki nongniah kali.

U President ka HYC-Nongpoh Circle samla Tony Shylla, u la ong ba ka jinglong jingman jong kane ka surok bah ha ki bynta ka shnong Umdihar sha Dulongnar ka la buh shisha ia ka jingma ia ki paidbah nongleit nongwan khamtam ha ka por ba don ka jingther u slap.

U la ong ruh, ba dang shen kala don ka jingjia aksiden kali ha kine ki bynta jong ka surok tang na ka daw jong ka jingtuid jong ka khyndew bad shyiap ha kaba la don katto katne ngut ki nongniah ia ki kali ar shaka kiba la mynsaw. Ula ong ba watla kum kine ki jingjia ki la dep jia, na ka liang ka NHAI kam shem la patiaw pat ban leh eiei ban pynkhuid ia katei ka surok bah.

U la pyntip ruh, ba ka HYC ka la ep ujor ia kane ka jinglong jingman jong ka surok sha u Engineer ka NHAI bad dawa ban pynkhuid ia katei ka bynta, ha kaba na ka liang utei u engineer ruh u la kular ban shimkhia noh mardor ha kine ki sngi kiban wan.

 

Share post:

spot_img
spot_img

Popular

More like this
Related

CBI arrests Arambai Tenggol member linked to 2023 Manipur violence at Imphal Airport

Guwahati, June 8: The Central Bureau of Investigation (CBI)...

Pyntip u Tourist Guide ba synran 3 ngut ki shynrang ia ki shijur na Indore ha ka sngi ba jahrngai

Shillong, Jylliew 08 : U Tourist Guide ula pyntip...

Manipur erupts in unrest: Curfew, internet shutdown imposed across five districts amid protests

Imphal, June 8: The Manipur government has imposed curfews...

Manipur | Iakhih ki samla Meitei | Pynjari curfew bad khang Inter ha ki 5 tylli ki District

Imphal, Jylliew 8: Ka sorkar kala pynjari da ka...