Shillong, Jylliew 13 : Ka Meghalaya Energy Corporation Limited (MeECL) kala buh ia ka jingkyrpad hakhmat ka Meghalaya State Energy Regulatory Commission (MSERC) ba kan pynkylla thymmai noh ia ka dor jong ka bording elektrik.
U Managing Director ka MeECL Sanjay Goyal haba iakren bad ki nongthoh khubor hynne ka sngi Ba-ar ula ong ba ka dei ka jingshisha ba ki don katto katne ki mat haba iadei bad ka jingpynshongdor ia ka bording na ka bynta ki katto katne ki nongpyndonkam bording.
“Kat kum ka Corporation, ngim sngew iahap halor ka dor jong ka bording kaba la buh mynta. Ki don katto katne ki kam kiba donkam ban hap bud. Namar kata, ngi la buh ka jingkyrpad hakhmat ka Regulatory Commission…Nga thikna ban gin sa ioh ia katto katne ka jingmyntoi na ka Commission” ula ong.
Pule lang ia kane: Roster System : Dawa ka KHNAM ia ka Sorkar ban bat ia ki jingkular
