spot_img

Buh jingkylli ka NPP ia ka synniang u Bah Ardent sha ka Jaidbynriew | “Dei pynduh ai Jait Kmie”?

Date:

Share post:

Shillong, Iaiong 17 : Ka National People’s Party (NPP) kala buh jingkylli ia ka synniang jong u President ka Voice of the People Party (VPP) bad MLA ka Nongkrem Bah Ardent M Basaiawmoit sha ka Jaidbynriew ba u kam ba u ieid tang ma u ia ka Jaidbynriew.

“Kaei ka kam bah ba u Ardent u la leh naka bynta ka jaidbynriew, ka kam ba u la leh ka dei ban pynduh iaka jait kmie” kynthoh u National General Secretary ka NPP bad Symbud Myntri Rangbah ka Jylla Bah Sniawbhalang Dhar ha ka rynsan ialap elekshon ka NPP ba long hynne ka sngi ha Madan Malki.

U Bah Sniawbha ula kynthoh tyngeh ruh ia ka VPP halor ka jingkynnoh ba ka Sorkar MDA kala die ia ki jaka khappud sha ka Assam haba ong “hynrei lada phi pan ia ka kyrteng ki shnong bala die, ka VPP kam tip satia ia kaei kaei ruh”.

“Wat u President (Ardent) uba kam ba ieid Jaidbynriew, shaei u jah ha ka por ba iakren pynbeit pud ka Sorkar” ula buh jingkylli.

Ula kynthoh b aka kam bah ba u Bah Ardent ula leh ka long tang ka jingialam ia ki paidbah sha surok ban iatur sha Secretariat. “Kane ka pyni ba um pat long satia uba ibit ban long u Nongialam ne u MLA” ula bynrap.

Haba kyntu ia ki paidbah ba kim dei ban ngop ha ki jingshah pynbiej ha kum kine ki nongialam, u Bah Sniawbha ula ong “ Ngam pat ju iohi ia u nongialam kum u Ardent…ia kiwei u bein, u kynnoh bamsap lai phew jait hynrei da kynnoh kiwei pyrshah ia u, da ka ejahar u leit ban mudui”.

“Ki jingkynnoh bamsap ia nga bad ia u Bah Prestone lei kam shym la sangeh..dei ba ngi leit mudui ejahar sa ma ngi, ki Pulit kin nym ioh shongthait shuh” ula ong.

Ha kajuh ka por, u Bah Sniawbha ula kynthoh ba u President ka VPP (Ardent) u dei u briew ba khlem nongrim uba la kyn thih na kawei ka seng sain pyrthei sha kawei pat bad mynta ula thaw syndon ia ka VPP ha ryngkat ka jingkam ba ka dei ka seng sain pyrthei kaba khuid tam.

Halor ki jingkynnoh bamsap, u Bah Sniawbha ula ong “Ka bamsap ba shyrkhei tam eh ka dei ka bamsap jong ka VPP kaba la bam klep ia ka jingmut jingpyrkhat ba laitluid jong ki samla bad ki paidbah ka Jylla”.

Haba kyntu ia ki paidbah ba kin pynjop ia ka kyrtong ka NPP, une u Nongialam ka NPP ula ong “Ha ka elekshon MLA 2023, ka NPP kala ioh haduh 3 lak tam ka vote, kaba mut ba ka jingioh vote (vote share) kala kiew bha..kane ka pyni ruh b aka NPP kala jop lypa”.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...