Shillong, Rymphang 19 : U National General Secretary ka BJP Rituraj Sinha hynne ka sngi U Blei, ula buh dak jingkylli ba kum ki riew sain pyrthei ka Jylla Meghalaya, kila nang riewspah bad heh spah watla ka Jylla ka dei kaba don ha ka kyrdan ba ha trai duh ha ka per capita (jingioh kamai shi khlieh briew) hapoh ka Ri.
Ula kren ia kane halor ka affidavit jong u Presiden tka UDP Bah Lamphang ka Iingdorbar Thawain ka Jylla Bah Metbah Lyngdoh, u Nongialam ka NPP bad Myntri ka Koit ka Khiah James K Sangma, u Nongialam ka Liang Pyrshah Dr Mukul Sangma bad kiwei kiwei.
“Ka dei ka kam ba sngewkhia jur ia ki paidbah ka Jylla Meghalaya. Ka GDP ka dei kaba suki bha hapdeng ka Thain Shatei Lam Mihngi. Ha ka Jylla kaba hatrai duh ha ka per capita hapoh ka Ri, ka Jylla kala treikam hapdeng ka jingduna ka mang tyngka ba kot T. 2000 klur, hynrei kumno ki riew sain pyrthei kila nang riew spah. Kumno ngi nang khie ka spah hadien man la ki elekshon “ ong u Sinha.
“Nga kwah ruh ban kylli na kine ki riew sain pyrthei ba nangno ki ioh lum ban kynton ia kat kane ka pisa” ula ong.
Ula ong ba ka jingbamsap jong baroh ki riew sain pyrthei kin sa shah kyndang lad aka Sorkar u Modi ka shah jied ban wan ha ka bor ha Meghalaya.
